أًصـ{سؤال }ــعـــــب

أًصـ{سؤال }ــعـــــب




أصعب سؤال اللي جوابه للاسف مثله سؤال
ماهوا تفلسف الا موقف صارو اسمع ثاني بيت
والبارحه يـومه سأل وش ذكرك ذيك الليال
كان الجواب بكـل بساطه مـن متى أصلاً نسيت
ادري بأن جمع الصعوبه والبساطه شي محال
لكنها صارت كذا واللي اهم أني دريت
أن الحياه فـي بعد أحبابك اذا جف وصال
تعيشها لو تقتنع أنك خلاص اصبحت ميت
ياصاحبي لو كل شي يمر بالخاطر يقال
ماكانت العبره تولجني لي منك طريت
شفني قدرت احبس دموعي بس دمع القاف سال
وياكبرها ساكت ولكن داخل اوراقي بكيت
عمر الحكي مــاكان دافــي لا أبتدى بقولة تـعال
لجل تجاهل رجفه حروفــي ليا منـي حكيت
الحال في بعدك قسم بالله ما أسميه حال
أنـوي علـى الضحكة وأحس كـلي خطى لاني نـويت
اتصور أنك مـن رحلت أشـوفك لجسمي ظلال
لي شفته أمشي ببتعد واثره معي مهما مشيت
مـا دام يعني فـي بحرك لفرحتي مليون جال
وشفـيه موجك مــاركد قـربت أمـوت ومــارسيت
يرضيك مــا عادت معي تفرق إذا جالك مجال
لاني اقتنعت إني نهاية وإني با بطي مــابـديــت
صرت اعقد حجاجي اذا جابوك بأطراف الجدال
وانا قبل لا قالوا اسمك(.....) كــنـي ميت ثم حييت
تعبت أعيش الدور وأفتح للمعاذيــر الخيال
واتخيل إني جيت في بالك وأنك استحيت
وتردلي كلك وله وتقول كن البعد طال
ومــن الفرح مــاأعاتبك وأقول يـا خي مــابغيت
حتى وانا اتخيل حشمتك لان قلبي لا يزال
يكرر أسمك داخل أعماقي بنبضه لا سهيت
قلي شسوي فيك وأنت بداخلي أصدق مثال
للحب واحساس القصيد نعانق الليل وسريت
ربي يصبرني علـى الفرقى مــا دام الحظ مال
وأنت بـيـجيلك يـوم تعرف ليه فـي بعدك شكيت
إذا بلاك اللــه وعذبك اشتياقك بس تعــال
وأقرى القصايد فـي غيابك كــل أبوها بيت بيت
تدري أن أصعب سؤال اللي يجي رده سؤال
لاقلتلي وش ذكر ثم قلتلك متى نسيت



سيتم أظافة رابط للمقطع صوتي بإذن الله تعالى


هذي القصيدة أهداء مني لأحلى أنسان بالوجود

وان شاء الله تصله القصيدة وهو بآلف خير

وبحب ذكره فيني إذا كان ناسيني

وياليت يحس فيني بعد هو

وانا كل ما أشغل المقظع أتكره

ويمكن أشغله باليوم سي آلف مرة