صباحكم سكر
في أوج الدراسة ومعمعة الامتحانات .. وتخالط حالات الخوف والقلق والملل .. يشعر الانسان برغبة في عمل شيء يخرجه من هذا الملل القاتل
أثناء دراستي لمادة ال؟؟؟؟؟؟؟؟؟ فقدت ثلاثة أرباع عقلي ..
والباقي مشغول بالمحافظة على قليل من الذاكرة
على سيرة الذاكرة ..
قعدت استرجع ذكرياتي ..
قلت ياولد .. مالك الا منتدى حمص
على سيرة حمص ..
والله الواحد اشتاق لحمص وأهل حمص .. ودائما بفتخر بإني حمصيي
على سيرة حمصية ..
بذكر مرة كنا رايحين على معرض ( نسيت شو الاسم ) الي بيعملوه بحلب ... وكانت ساعتها في غنية ( حمصية يا أحلى بنت ) طالعة جديد
كنا نمشي يشوارع حلب معلايين صوت المسجلة على الآخر وعم تلعلع هي الغنية ( حماااصنة )
وكانت أمي تقعد تعيط مشان نوطي الصوت << طبعا لانها ماحمصية
والله خرج هالغنية يعملوا النشيد الوطني لحمص ..
يعني طلبة المدارس يغنوه كل يوم بتحية العلم ..
على سيرة العلم ..
صحي ليش مافي لحمص علم ؟؟
طيب اذا عملنا علم حمصي .. ياترى شو رح يكون شكلو ؟؟
امممم .. في ناس رح يقولوا صورة جامع خالد بن الوليد .. وناس يقولوا الساعة الجديدي وناس يوقولوا القلعة ...
لا لا بدنا شي يدل على حمص عن جد
عن اهل حمص وعراقة حمص وروعة حمص
امممم ممكن صورة قرصين كبة مشوية وجمبن صحن تبولي
على سيرة الكبة والتبولي ..
يا الله شو جوعان
مبارح طبخنا شاكرية ... بس البيتنجان شرب زيت كتير ... ولأني ما لقيت بامية حطيتهم بعلبة مدورة
على سيرة العلبة المدورة
كان عندي صندوق بحط فيه كل شيء اله ذكرى عندي
لفيت عليه الدنيا وما لقيته ... يمكن تركته على البحر لما كنا رايحين رحلة على مشتى الحلو
على سيرة مشتى الحلو ..
يا الله شووو حلووو
بس يا ترى كم كاسة سكر حطولو ...
على سيرة السكر ..
خلص السكر من عنا ... لازم اتذكر اتصل بالخضرجي يجبلي لحمة
كمل والا رح تضربوني .؟؟
على سيرة الضرب ...
5*6 قديش ؟؟